سلسلة السفر ( قائمة السفر )

السلام عليكم ورحمة الله 

اليوم ح نبدا ان شاءالله سلسلة السفر 

وراح اتكلم فيها عن اشياء مهمه , وافكار لقبل السفر واثناء السفر وبعده 

اول شي وقبل كل شي , 

لازم يكون عندك قائمة , 

تجهزيها اول مايكون عندك خبر عن السفرة

وتضيفي عليها كل ماتذكرتي شي

.

.

تقدري تحملي قائمتي كبدايه وتضيفي عليها زي ماتحبي

.

.

قائمة السفر ( للطباعة ) .. على الرابط هنا

.

.

.

دائما لما اخطط لسفرة مهما كانت صغيرة او كبير 

لازم اكتب القائمة , 

عشان مع قائمتي باذن الله مارح انسى اي شي

نبدا حبه حبه :

.

حددي الوجهه 

ابحثي عن الأجواء هناك

ابحثي عن نوع الملابس الي تحتاجيها

طبيعي لما تسافري لمكان استوائي زي ماليزيا والفلبين

غير لما تسافري لدولة اوروبية 

ونفس الدول الاوربية جوها يختلف بين الفصول

.

.

ملاحظة : 

في رحلتين , كنا حاجزين بمطعم مميز 

وللاسف لقلة خبرتي ومعرفتي 

لما وصلنا اكتشفنا , ان الدخول للمطعم يحتاج لبس رسمي

يعني زوجي يحتاج بدلة

وانا احتاج اقل شي عباية طويلة ( بدل الفستان  يعني 

, 

فلازم يكون عندك خلفيه عن الأماكن الي بتروحو لها او النشاطات 

.

طيب , سياحتكم داخليه ؟؟

برضو النقطه مهمه

هل بتزوري احد في وجهتك الجايه؟

هل بيكون فيه مناسبة او زواج ؟

.

.

.

.

حددي عدد الاشخاص

وعدد الأيام

وعدد الاماكن الي بتزوروها

عشان يكون عندك فكرة عن الملابس الي تحتاجوها 

.

.

تاكدي من الوزن المسموح فيه بالطيارة ,

وطبعا كل ماكنتو خفيفين كل ما ارتحتو اكثر 

.

.

فكرة : 

حاولي قد ماتقدري , تختاري ملابس ممكن تشكليها

يعني بنطلون يمشي مع اكثر من بلوزة

بلوزة تمشي مع اكثر من بنطلون

ودائما : حطي في بالك 

ان ممكن الملابس تتغسل بالسفر 

.

.

.

سجلي كل شخص مسافر 

ايش الاشياء الخاصه الي يحتاجها

الطفل الرضيع مثلا , حفايظ وحليب

ادوية خاصه اذا يحتاج الشخص

.

.

اكتبي قائمة بكل الادوية الي ممكن تحتاجوها

غالبا ,

دواء للنزلات المعوية , او مشاكل الهضم 

دواء لنزلات البرد

خافض حرارة ومسكن الم

( لان زيارة طبيب في بعض الرحلات ممكن تكون مكلفه جدا )

.

.

.

حددي شنطة صغيره لمستلزمات الطريق , 

ويكون فيها اهم الاشياء الي ممكن تحتاجوها 

اذا ضاعت الشنط بالمطار لا سمح الله 

.

.

ابحثي قد ماتقدري عن اشياء تسلي الاطفال بالطريق

لان مافي شي مزعج قد طفل طفشان وقت السفر

( غالبا لكل ساعة سفر اعطي الطفل نشاط مختلف  )

.

.

قبل السفر جربي الشوز الي راح تلبسية لمدة طويلة شوي

عشان اخر شي تبغيه في المطارات , شوز مؤلم

.

.

.

هذه ملاحظات مختلفه ومنوعة 

ان شاء الله تفيدك برحلاتكم الجاية

.

.

ودائما خلي في بالك ان السعادة مو في السفر الى مكان معين 

لكن السعادة في تغير المكان والروتين وتجربه اشياء جديده

.

.

طريقتي في التفريز

السلام عليكم ورحمة الله 

.

.

.

هذا الموضوع يهم الامهات الموظفات والطالبات 

وممكن الام الفاضية كمان تسويها

.

.

.

قبل اقول طريقتي , انا معتمده الطريقة من 4 سنوات تقريبا 

.

.

:الأسباب الي خلتني اعتمدها

1- في مرحلة في حياتي كنت زوجة وطالبة دوامي من تسعة الصباح الى خمسة المساء

وفي مرحلة ثانية ام لطفل عمرو اقل من سنة وطالبة وزوجة 

وفي مرحلة ماخذة اجازة من الدراسة وفاضية بس برضو ماشية على التفريز

2- احب استخدم اقل عدد ممكن من ادوات الطبخ عشان ماحب الغسيل

3- زوجي يقدر ياكل بالبيت وانا مسافرة 

4- الخضار تخرب بسرعه لما كنت ادرس برا في منطقة معينه

5- مو شرط استهلك الكمية الي اشتريها في الوقت المناسب وتخرب واضطر ارميها

.

.

بالنسبة للي تقول ان التفريز يضيع الفوائد 

.. صحيح , بس جزء بسيط جدا , وهذا مو كلامي , ابحاث كثير من مواقع اجنبية موثوقة تقول كذا

ثانيا , ايش افضل ان يكون فيه اكل جاهز للطبخ لما اكون تعبانة او مرهقه او اشتري من برا من مطعم الله اعلم في نظافتو؟؟

.

.

 وحده تقرب لي تقول لي مروة , انتي من جد فاضية لدرجة تفرزي كل شي ؟؟

بالله من فين تجيبي الوقت ؟؟ 

المشكلة مو هنا , 

المشكلة ان الي تتكلم طالبه ثانوي , ماعندها لا شغله ولا مشغله 

انا مو فاضية عشان افرز , بس انا مقتنع ان اضيع شوية وقت افرز , 

عشان احتفظ بوقت كبييييييييير كان راح يضيع وانا كل مرة اطبخ اعيد نفس الخطوات

.

.

.

.

.

ح اشرح طريقتي في تفريز 

( الطماطم - البصل - الفلفل رومي - الثوم - البطاطس - الجزر - الكوسة - والكشنه)

.

.

.

بشكل عام , 

انظف الخضار , وافرمها او اقطعها 

اسجل على كل كيس او علبه ايش نوع الخضار , وهل مستوية او نيه

وتاريخ تفريزها , 

.

.

الطماطم , 

اقسمها نصين ,

نص مفروم بدون طبخ 

ونص مطبوخ مع معجون طماطم وملح وبهارات مشكلة وماجي

يحفظ في اكياس 

.

.

.

البصل 

ثلث اقطعو حلقات 

وثلث اقطعو مكعبات 

وثلث مفروم

يحفظ في اكياس

.

.

الفلفل رومي

نص حلقات 

ونص مكعبات

يحفظ في اكياس

.

.

الثوم 

مهروس ويحفظ في علبه مكبعات الثلج تخصص للثوم عشان ريحتو

.

.

البطاطس 

مخصص للشوربة 

فاقطعو مكعبات 

يحفظ في علب التخزين

.

.

الجزر

نصو حلقات

 ونصو مكعبات للشربة

يحفظ في علب التخزين

.

.

الكوسة

مكعبات للشوربة

يحفظ في علب التخزين

.

.

.

اما الكشنة 

لما اكون مروقة 

اسوي كمية كشنه كبيرة 

للكابلي - البرياني - الشوربة الحمرا - الكبسة

احيانا : 

اكون بسوي طبخه معينه

ازيد كمية الكشنه لمرتين او ثلاثة 

وقبل احط الدجاج 

احتفظ بالزايد في اكياس 

.

.

.

 ارصها في الفريزر ولما تجمد احط كل نوع بسلة 

عشان مايخرب ترتيب الفريزر

.

.

.

.

يمكن بعضكم تشوف ان مافيه فايده من الطريقة 

بس بالنسبه ليا , ريحتني كثييييييييييييييييييييير 

.

.

.

عندك شي محدد تفرزيه ؟

طريقة معينه ؟ او اكله معينه؟

.

.

موشا

الميزانية (الجزء الثاني) : طريقتي في تقسيم الميزانية

كتبت من يومين مقالة صغيره عن اهمية الميزانية , وكيف نعود الاطفال على تحمل مسؤولية مصروفهم 

على الرابط 

\

الميزانية ( االجزء الاول) ا

.

.

.

زي مو شايفين بالصورة الي فوق , 

 انا احب احتفظ بتقسيم الميزانية 

واحب اسجل كل التفاصيل الي تخص الراتب او المكافئة

واحب امشي عليها حرفيا 

هذا جزء من دفتر الميزانية لسنة 2011  من بداية شهر مارس

 وهو اول شهر ابدا فيه هذه الطريقة 

مع بداية بعثتي واستلامي للمكافئة 

.

.

.

لكذا سبب

1- ماحب يجي نهاية الشهر وميزانيتنا مختله 

2- احب اسدد كل الفواتير والالتزامات بوقتها 

3- ماحب الدين ولا احب اخلي شي بذمتي

4- لازم دائما يكون فيه مبلغ للطواريء , تجنب للازمات المادية

5- احب اعرف فين صرفت الفلوس

.

.

.

.

الطريقة هذه , تقدري تسويها اذا زوجك معطيك مجال تتصرفي بالراتب

او اذا عندك دخل خاص فيك 

وهيا الطريقة الي ماشية عليها انا

.

.

.

(1)

 حددي الالتزامات المادية  الشهرية

ايجار الشقة

القروض 

الديون

.

.

(2)

حددي السدادات الشهرية

الجوالات

الانترنت

التلفون

بطاقات الائتمانية ( خاصه للمبتعثات , لان تاخير السداد عليه ضريبة)

السواق او الخادمة

.

.

(3) 

حددي المصروفات الشخصية

مصروف البزورة للمدرسة

مصروف التسوق

مصروف البيت

.

.

(4)

اي مبلغ زايد يتقسم على

- الترفية او السفر

- الطواريء

.

.

.

بداية كل راتب , تفتحي ظرف كبير داخله ظروف اصغر 

وبكل ظرف تحطي المبلغ المحدد وتسجلي عليه من برا 

كم المبلغ الي اضفتيه او سحبتيه والتاريخ والسبب

.

.

ملاحظات مهمه : 

* قسمي مصروف البيت بشكل اسبوعي , بحيث ان السوبر ماركت يكون له زيارة اسبوعيه وتقضي لاسبوع بس

* مصروف الاطفال يكون يومي , وتشجعيهم يجمعو ولو شي بسيط من مصروفهم

* مهما صار ومهما حصل , ظرف الاتزامات مجموعة 1 , مايتلمس ابداااااا 

* الافضل وجود حسابين توفير بدون بطاقة عشان ماينصرف , واحد للترفية وواحد للطواريء

.

.

صحيح ان مايكون عندك طريقة تقسيم الميزانية شي سهل , بس مو مريح للبال 

لان اذا قررتو تسافرو مثلا ح تضغطو ميزانيتكم عشان تسافرو 

واذا عليكم قروض وماسددتوها , راح يجي يوم وتحصل مشكلة مالها داعي

وتقعدي شايله هم الفلوس تخلص قبل نهاية الشهر

او يجي نهاية الشهر وتتديني لين موعد الراتب

.

.

.

انا عني احتفظ بدفتر صغييييييييير بشنطتي , واحب اسجل فيه كل شي اشتريه 

ماعرف ليش تحديدا بس اكون مرتاحة اكثر لما اعرف فين الفلوس تنصرف

.

.

ايش طريقتك في تقسيم الميزانية؟

.

.

.

.

موشا

الميزانية (الجزء الاول)

الميزانية

(الجزء الأول)

قبل نتكلم عن طرق تقسيم الميزانية , خلوني احكيكم عن تجربتي ,

وانا صغيره توي بالروضة , بابا كان يعطيني مصروف اكثر من الي احتاجو بشوي

وماما كل صباح تذكرني احط بالحصالة ريال

وكبرت وزاد المصروف , وزاد المبلغ الي ينحط بالحصاله

.

.

.

ماكان عندي فكرة ليش ماما وبابا يخلوني اجمع فلوس بالحصاله ,

مع ان حالتنا المادية الحمدلله اكثر من كويسة

.

.

ولان المبلغ الي جمعتو نتيجة جهاد نفسي قد ايش احط بالحصاله.

تعلمت ان ما اصرفو على اي شي تافهه ,

.

مع انو كان عندي الحرية الكاملة اسوي فيه الي ابغا

لدرجة بابا يقول لماما لما تعترض على شي بشتريه

"هذه فلوسها وهي حره , ان شاءالله تشققها بكيفها"

.

.

..

.

ماكان يخطر ببالي ابدا ان بابا قاعد يعلمنا شي مهم ,

ان مو كل شي بالحياة نبغاه

بابا يجيبو لنا ,

 واذا عندنا مبلغ ,

لازم نفكر كويس قبل نصرفو

في ايش نحتاجو , وهل نحتاج المبلغ في شي اهم ؟؟

وان الفلوس الي نملكها احنا نتحمل مسؤولية طريقة صرفها , وان ضيعناها

مارح تجي فلوس مكانها من السماء

.

.

كبرت وصار عندي فهم اكبر للفلوس وطريقة صرفها

وهذا الاسلوب الي راح يمشي مع ولدي ان شاء الله

.

.

الحمدلله ان من يوم وانا صغيره تعلمت هذا الدرس,

والله من دون مبالغه ,

حياتي كثييييييييييييير كانت راح تكون صعبه لو ماتعلمت هذا الشي من وانا صغيره

.

.

كنت اروح بيت اهل ماما, واسمع خالي الكبير يناقش الميزانية حقت خالاتي الصغار مع خالاتي الكبار

وكنت اشوف بابا لما بيطلع فلوس لحاجة معينه , يطلع مجموعة ظروف من شنطته كل واحد  مكتوب عليه من برا

وماما بدات من عشرة سنوات تقريبا

تسجل كل شي بدفتر

.

.

بالرغم ان وقتها مادري ايش الطبخه

بس اول عتبه وقفت قدامي كان مهري

استلمت المهر وبابا اعطاني هوا كامل

واعطوني ماما وبابا الحريه الكاملة اتصرف فيه بالطريقة الي تناسبني

لان واثقين تماما ان دروسهم الي علموني هيا على مدى 18 سنة مارح تروح ع الفاضي

.

.

ومن هنا , انصح كللل الامهات , ان تعود طفلها على فكرة " الادخار " ومهما كان المبلغ بسيط

لازم يتعلم ان الحياة مو سهله

وان ماما وبابا مو على طول راح يصرفو علينا

وان فيه التزامات وفيه مسؤوليات ح تكون قدامنا

والفلوس مارح تجي بسهولة

.

.

وعلى فكرة

انا ضد الي يقولو ان الادخار يعلم الطفل البخل , وحب الماده

على العكس تماما

الطفل راح يتعلم كيف يكون مسؤول ويعتمد عليه

ويحس بكبر الثقه الي اعطوه هيا امه وابوه

..

.

انتي ايش رايك ؟؟

تحبي تعلمي اطفالك كيف يتعاملو مع الفلوس من اي عمر ؟

جهاز التنظيف بالبخار

مساااء الخير 

كتبت بالانستقرام تجربتي مع جهاز البخار لتنظيف ارضية المطبخ 

وهذه صورة الجهاز 

للدخول على الرابط 

متجر سوق.كوم

نصائح للتنظيف الربع سنوي

قبل نبدا النصائح , 

تخيلي انك ماشية على روتين تنظيف يومي واسبوعي وشهري , 

.

.

.

بعد كم شهر , كيف تتوقعي البيت بيكون ؟؟

 زي لما تتركيه وتجي فجاه في يوم وليلة تبغي تقشعي البيت كامل؟

.

.

.

اكيد الاسهل لك والاريح , انك تعملي روتين ( تكلمنا عنو قبل كذا وفيه جدول مقترح بالمدونة)

.

.

.

لو انتي ماشية على النظام هذا , صدقيني التنظيف الربع سنوي بيكون اهووون بكثير 

.

.

هذه شوية نصائح وافكار ممكن تساعدك ,

.

.

1- حددي كم يوم تحتاجي للتنظيف

. 

2- قسمي الايام على الغرف , وخليكي واقعيه عشان ماتتعبي نفسك

.

3- اليوم الي تمسكي فيه جزء حددي له كم ساعة وقدر المستطاع وقت مايكون فيه احد بالبيت

.

4- اعملي جرد لكل شي بالبيت , فيه قاعده تقول 

" اذا الشي ماستخدمتيه خلال السنه الي فاتت , غالبا مارح تستخدميه ابدا "

حاولي قد ماتقدري تحتفظي باقل عدد ممكن من كل شي , اريح في التنظيف والترتيب والمساحه

.

5- انقلي الاشياء بين الغرف , عشان تجددي من حيوية البيت , مفارش او ستاير او ابجورات

.

6- غيري الوان اللحف والوان طقم الحمامات الله يعزك , ومخدات كنب الصاله , 

.

7- غيري ترتيب الاثاث في نفس الغرفه , بدلي بين الكنب والتلفزيون , بين التسريحه والكمدينة

.

8- شغلي شي تستمعي فيه وانتي تشتغلي عشان ماتحسي بالوقت

.

9- اذا فيه اطفال كبار , او زوج ممكن يساعد , اطلبي المساعده حتى لو شغلهم مو تمام بس يتعودو على المساعده 

.

.

.

.

طريقة الجرد : 

لما تبغي تعملي جرد لدولاب معين 

 جهزي 4 اكياس او كراتين , وحطي على كل كيس او كرتون ورقه واكتبي عليها بخط كبير

1- يعاد لاصحابه , اذا كنتي متسلفته من احد

2- يعاد استخدامه , اذا كان صالح للاستخدام

3- للتبرعات , اذا كان صالح للاستخدام بس ماتستخدميه

4- يرمى , اذا كان غير صالح للاستخدام

.

.

.

جدول التنظيف الربع سنوي

جدول التنظيف جاهز للطباعة والاستخدام 

http://goo.gl/Cq0ObJ