الميزانية (الجزء الاول)

الميزانية

(الجزء الأول)

قبل نتكلم عن طرق تقسيم الميزانية , خلوني احكيكم عن تجربتي ,

وانا صغيره توي بالروضة , بابا كان يعطيني مصروف اكثر من الي احتاجو بشوي

وماما كل صباح تذكرني احط بالحصالة ريال

وكبرت وزاد المصروف , وزاد المبلغ الي ينحط بالحصاله

.

.

.

ماكان عندي فكرة ليش ماما وبابا يخلوني اجمع فلوس بالحصاله ,

مع ان حالتنا المادية الحمدلله اكثر من كويسة

.

.

ولان المبلغ الي جمعتو نتيجة جهاد نفسي قد ايش احط بالحصاله.

تعلمت ان ما اصرفو على اي شي تافهه ,

.

مع انو كان عندي الحرية الكاملة اسوي فيه الي ابغا

لدرجة بابا يقول لماما لما تعترض على شي بشتريه

"هذه فلوسها وهي حره , ان شاءالله تشققها بكيفها"

.

.

..

.

ماكان يخطر ببالي ابدا ان بابا قاعد يعلمنا شي مهم ,

ان مو كل شي بالحياة نبغاه

بابا يجيبو لنا ,

 واذا عندنا مبلغ ,

لازم نفكر كويس قبل نصرفو

في ايش نحتاجو , وهل نحتاج المبلغ في شي اهم ؟؟

وان الفلوس الي نملكها احنا نتحمل مسؤولية طريقة صرفها , وان ضيعناها

مارح تجي فلوس مكانها من السماء

.

.

كبرت وصار عندي فهم اكبر للفلوس وطريقة صرفها

وهذا الاسلوب الي راح يمشي مع ولدي ان شاء الله

.

.

الحمدلله ان من يوم وانا صغيره تعلمت هذا الدرس,

والله من دون مبالغه ,

حياتي كثييييييييييييير كانت راح تكون صعبه لو ماتعلمت هذا الشي من وانا صغيره

.

.

كنت اروح بيت اهل ماما, واسمع خالي الكبير يناقش الميزانية حقت خالاتي الصغار مع خالاتي الكبار

وكنت اشوف بابا لما بيطلع فلوس لحاجة معينه , يطلع مجموعة ظروف من شنطته كل واحد  مكتوب عليه من برا

وماما بدات من عشرة سنوات تقريبا

تسجل كل شي بدفتر

.

.

بالرغم ان وقتها مادري ايش الطبخه

بس اول عتبه وقفت قدامي كان مهري

استلمت المهر وبابا اعطاني هوا كامل

واعطوني ماما وبابا الحريه الكاملة اتصرف فيه بالطريقة الي تناسبني

لان واثقين تماما ان دروسهم الي علموني هيا على مدى 18 سنة مارح تروح ع الفاضي

.

.

ومن هنا , انصح كللل الامهات , ان تعود طفلها على فكرة " الادخار " ومهما كان المبلغ بسيط

لازم يتعلم ان الحياة مو سهله

وان ماما وبابا مو على طول راح يصرفو علينا

وان فيه التزامات وفيه مسؤوليات ح تكون قدامنا

والفلوس مارح تجي بسهولة

.

.

وعلى فكرة

انا ضد الي يقولو ان الادخار يعلم الطفل البخل , وحب الماده

على العكس تماما

الطفل راح يتعلم كيف يكون مسؤول ويعتمد عليه

ويحس بكبر الثقه الي اعطوه هيا امه وابوه

..

.

انتي ايش رايك ؟؟

تحبي تعلمي اطفالك كيف يتعاملو مع الفلوس من اي عمر ؟